Os Espazos de Busca Activa de Emprego son espazos gratuitos dotados dos medios técnicos e humanos necesarios para realizar de xeito persoal a busca de emprego: información sobre como buscar emprego, seleccionar ofertas e informarse sobre cursos de formación.

Supón tamén un lugar de encontro para o intercambio de experiencias e información con outras persoas.

As persoas que acuden aos EBAEs teñen á súa disposición, no mesmo espazo: ordenadores con conexión a internet, unha impresora para poder actualizar o currículo cando sexa necesario, dispoñibilidade de liña telefónica para contactar con potenciais empregadores e empregadoras, un taboleiro de anuncios actualizado diariamente coas ofertas existentes…

Estes espazos están xestionados por persoal técnico e voluntario que asesora, acompaña, resolve consultas, realiza obradoiros… Encárgase de detectar necesidades e traballar as posibles barreiras que poden atopar as persoas que se dirixen ao espazo no seu proceso de busca de emprego.