Galicia Suma

Cruz vermella

Web oficial de Cruz Vermella Española en Galicia

IV Foro Empresa Responsable

O Foro Empresa Responsable organizado por Cruz Vermella en Galicia virou ao redor da seguinte fórmula: + TALENTO + ALIANZAS +EMPREGO. No ano 2017 celebrouse a IV edición desta iniciativa cuxa finalidade é achegar as pemes galegas á RSE e poñer en marcha boas prácticas, sobre todo en materia de igualdade, diversidade e xestión do talento. 

Está dirixido ás persoas que están á fronte dos departamentos de Responsabilidade Social Empresarial e de Persoas das empresas de Galicia así como a expertos en emprego. Este ano tivo lugar en Vigo, no Museo de Arte Contemporánea (MARCO), o 7 de novembro de 2017.

O programa estruturouse en tres bloques principais:

  • Para o bloque +TALENTO  Pilar Jericó, presidenta da consultora Be-Up, escritora e pioneira internacional na análise do talento e o impacto do medo nas organizacións e nas persoas. Traballa no desenvolvemento do liderado e a innovación.  
  • No bloque +ALIANZAS María Calvo, directora de Xestión do Talento e Responsabilidade Corporativa do Grupo VIPS. Foi tamén country manager de Ebay España e directora xeral de Ashoka España.
  • O bloque +EMPREGO foi un espazo para a charla e o debate sobre a xestión do talento no mercado laboral no que estiveron presentes representantes de empresas con participantes e técnicos do Plan de Emprego de Cruz Vermella.

 

No transcurso do Foro tamén houbo momentos para entrevistas, dinámicas de grupo e o networking. O formato é interactivo e dinámico para propiciar a participación dos asistentes e o intercambio de experiencias. Outro dos obxectivos é xerar un cambio positivo nas pemes e formular un modelo de conduta empresarial baseado na responsabilidade social.